Այսօր լրագրողները ԱԺ-ում առողջապահության նախարարի պաշտոնակատար Արսեն Թորոսյանին փոխանցեցին՝ հենց հիմա առողջապահության նախարարության մոտ ստոմատոլոգները ցույց են անում՝ բողոքելով արտոնագրային վճարներից: Արսեն Թորոսյանն արձագանքեց. «Սխալ տեղ են ցույց անում, պետք է ՊԵԿ-ի մոտ անեին»:
Նա ասաց. «Շատ բարդ է հսկել ատամնաբույժի աշխատանքը, թե քանի ատամ է հեռացրել, քանի պլոմբ է դրել: Պետությունը որոշել է ինչպես շատ այլ ծառայության տեսակներ, ֆիքսել վճարը, որպեսզի այդ մանրուքների հետեւից չընկնի ու անհարկի ոչ խանգարի տնտեսվարողներին, ոչ էլ կասկածներ ունենա, որ իրեն հարկում են, որոշել է արտոնագրային ձեւով հարկել ատամնաբուժությունը: Այդ որոշումը քննարկման առարկա է՝ սկսած արտոնագրային վճարի չափից, գոտիավորումից, կարիքի դեպքում պետությունը դրանք փոխում է: Առնվազն այս պահին մենք, որպես առողջապահության նախարարություն, որեւէ էական առաջարկ այդ մասով չունենք ՊԵԿ-ին, ամեն դեպքում լսում ենք ատամնաբույժների առաջարկները, բայց այս պահին ավելի լավ պետությանը եւ իրենց ձեռք տվող լուծում ես չգիտեմ պարզապես»:
Հռիփսիմե ՋԵԲԵՋՅԱՆ
