Գերմանական մամուլում հրապարակված հետաքննական հոդվածի համաձայն՝ հայկական մաֆիոզ խմբավորումների հետ է կապվում Գերմանիայում ՀՀ դեսպան Աշոտ Սմբատյանը: Այսօր ԱԺ-ում փոխարտգործնախարար Կարեն Նազարյանը լրագրողների հետ զրույցում ասաց, որ Գերմանիայի դեսպանին հետ կանչելու հարց չի քննարկվել. «Նման հարց չի քննարկվում: Հարցը վերաբերում է շատ զգայուն եւ նուրբ խնդիրների, մասնավորապես, մեր դիվանագիտական ներկայացուցչության գործունեությանը, նրա ղեկավարին, հեղինակությանը: Ավելին ասել չեմ կարող, սպասենք արդյունքների: Դրանք պնդումներ են մամուլում, եւ չեմ կարծում, որ մենք պետք է որեւէ հոդվածի առնչությամբ համապատասխան քայլեր ձեռնարկենք»:
Հռիփսիմե ՋԵԲԵՋՅԱՆ
