26-ամյա Միսաք Պալոյանը ամիսներ առաջ, որպես շարքային ցուցարար, Ռուսաստանի Դաշնությունից եկավ Հայաստան, մասնակցեց ինչպես բնորոշում ենք՝ թավշյա հեղափոխության բոլոր արարներին, թողեց իր կայուն աշխատանքն ու ծրագրերը, որոշեց հաստատվել հայրենիքում և իր գիտելիքներն ի սպաս դնել՝ «Նոր Հայաստան»-ի զարգացման գործին:
Միսաքն ավարտել է Մոսկվայի Լոմոնոսովի անվան պետական համալսարանը: Մասնագիտությամբ՝ քաղտեխնոլոգ է: Մինչ հեղափոխության մեկնարկը, ինչպես ինքը պատմեց, Մոսկվայից առիթ է ունեցել զրուցելու Նիկոլ Փաշինյանի հետ, քննարկելու տեղի ունեցող իրադարձություններն ու հետագա անելիքները: Հետո էլ՝ օգնել է Մոսկվայում բողոքի ձայն բարձրացրած, հեղափոխությանն աջակցած երիտասարդներին՝ թե՛ հանրահավաքների, թե՛ հետագայում օրինապահների հետ ունեցած խնդիրների ժամանակ:
Այս օրերին Միսաքը դիմել է արդեն նախկին վարչապետ, այժմ՝ վարչապետի պաշտոնակատար Նիկոլ Փաշինյանի աշխատակազմին և սպասում է ընդունելության՝ իր մտահոգություններով կիսվելու, ծառայություններն ու իմացություններն առաջարկելու համար:
Սուրեն ՍԱՐԳՍՅԱՆ
уровень журналиста-никарагуа