Խոր վշտով տեղեկացա հայկական ծանրամարտի 20-րդ դարավերջի լեգենդի` աշխարհահռչակ մարզիկ Յուրի Վարդանյանի անժամանակ մահվան մասին:
Սերունդների համար Յուրի Վարդանյանը կմնա մարդ, ով անընդհատ ընդարձակում էր մարդկային ուժի վերաբերյալ մեր պատկերացումները եւ Հայաստան բերում մարզաշխարհի ոսկե պարգեւները: Հիմա դժվար է հաշվել, թե նրա փառահեղ հաղթանակների շնորհիվ համաշխարհային մարզական հարթակներում քանի անգամ են հնչել Հայաստան ու Երեւան բառերը եւ մեզ պարգեւել բերկրանքի ու ազգային հպարտության պահեր:
Յուրի Վարդանյանը ոչ միայն բոլոր ժամանակների մեծագույն հայ ծանրորդն էր, օլիմպիական չեմպիոն, աշխարհի, Եվրոպայի եւ Խորհրդային Միության բազմակի չեմպիոն, այլեւ հայ ժողովրդի հոգսերով ապրող հասարակական գործիչ, ով ընտրվեց Խորհրդային Հայաստանի Գերագույն խորհրդի պատգամավոր, հետո շուրջ մեկ տասնամյակ բարձր ու պատասխանատու պաշտոններ զբաղեցրեց Հայաստանի Հանրապետությունում:
Բոլորիս համար ծանր կորստի այս պահին Հայաստանի Հանրապետության խորհրդարանի եւ իմ անունից խորին ցավակցություն եմ հայտնում Յուրի Վարդանյանի հարազատներին ու մերձավորներին, ողջ հայ մարզաշխարհին եւ կիսում նրանց անփարատելի վիշտը»,-ասված է ՀՀ խորհրդարանի ղեկավարի ուղերձում:
ՀՀ ԱԺ հասարակայնության եւ տեղեկատվության միջոցների հետ կապերի վարչություն
