«Մենք այս պահին դատավոր Վաչե Մարգարյանին առնչվող հարցերի սպառիչ պատասխաններ ստացանք, բայց դա չի նշանակում, որ ավարտվեց դատավորի հետ կապված գործընթացը»,- խորհրդարանում լրագրողների հետ զրույցում ասաց ԱԺ քննիչ հանձնաժողովի նախագահ Գեւորգ Կոստանյանը:
Հիշեցնենք, հանձնաժողովն այսօր հերթական նիստն էր գումարել ԱԱԾ տնօրենի եւ ՀՔԾ պետի գաղտնալսման գործով: Այսօր «քննվում» էր ձայնագրությունում հիշատակվող Երեւանի ընդհանուր իրավասության դատարանի առաջին ատյանի դատավոր Վաչե Մարգարյանը, որն, ինչպես հիշատակվում է ձայնագրության մեջ, ԱԱԾ տնօրենին է զանգահարել` քննարկելու Ռոբերտ Քոչարյանին կալանավորելու հետ կապված հարցեր:
«Դուք նկատի ունեցեք, որ հրավիրված անձի բացատրությունները ինքնին դեռեւս սպառիչ չեն: Քննության այլ փուլում նաեւ այլ անձանց բացատրությունների հիման վրա հնարավոր է անհրաժեշտություն առաջանա, որ այդ նույն անձին հրավիրես մի քանի անգամ։ Պատասխանները այս պահին բավարար էին»,- ասաց Գեւորգ Կոստանյանը:
Այլ մանրամասները` շուտով տեսանյութում
Նելլի ԳՐԻԳՈՐՅԱՆ
