Արտահերթ խորհրդարանական ընտրությունները տեղի կունենան դեկտեմբերի 9-ին: Այս մասին այսօր խորհրդարանում լրագրողների հետ զրույցում, ասաց ՀՀ վարչապետի պաշտոնակատար Նիկոլ Փաշինյանը: «Կարծում եմ, նախագահն այսօր հրամանագիրը կստորագրի»,- հավելեց նա` հավելելով, որ նախնական պայմանավորվածություն կա:
«Այս ընտրությունների ՔՊ-ի համար չեն, ընտրությունը ժողովրդի համար է եւ որոշումը կայացնելու է ժողովուրդը»,- ասաց Նիկոլ Փաշինյանը`անդրադառնալով լրագրողների հարց-մտահոգություններին`ընտրությունները հին ԸՕ-ով եւ ռեյտինգային համակարգով անցկացնելուն:
«Ես, իհարկե, մտահոգված եմ այն առումով, որ կարծում եմ ընտրական օրենսգրքի մեր առաջարկով ընտրությունները առավել քաղաքական կլինեին եւ քաղաքական ուժերի ավելի լայն շրջանակի համար հնարավորություններ կընդգրկեր: Բայց ես կարծում եմ, որ լիարժեք հնարավորություն կունենանք ապահովել ազատ եւ թափանցիկ ընտրություններ»,- ասաց Նիկոլ Փաշինյանը`օրինակ բերելով Երեւանի ավագանու ընտրությունները, որոնք նույնպես կազմակերպվեցին հին ԸՕ-ով:
Նիկոլ Փաշինյանը ռեյտինգային կարգով չի առաջադրվելու: «Ես լինելու եմ համապետական թեկնածու»,- ասաց նա:
ՔՊ-ի ցուցակում կլինե՞ն սեփականատեր-գործարարներ, թե`ոչ, վարչապետի պաշտոնակատարը պատասխանեց. «Սեփականատերերը թող իրենց սեփականությամբ զբաղվեն»:
Այլ մանրամասները` տեսանյութում
Նելլի ԳՐԻԳՈՐՅԱՆ
