ՀՀԿ-ն լուրջ վերապահումներ ունի այսօր խորհրդարանում արտահերթ կարգով քննարկվող «Համաներման մասին» նախագծի վերաբերյալ: Խորհրդարանում լրագրողների հետ զրույցում, ՀՀԿ խմբակցության ղեկավար Վահրամ Բաղդասարյանն ասաց`նախագիծը զուտ մարդասիրական չէ, իրավական խնդիրներ կան, քանի որ սպանության հոդվածների հետ կապված հարցեր կան: Ինչպե՞ս կքվեարկի ՀՀԿ խմբակցությունը`քննարկումից հետո կերեւա:
Ինչ մնում է վաղը կայանալիք վարչապետի թեկնածության քննարկմանը, Վահրամ Բաղդասարյանն ասաց, որ իրենց դիրքորոշումը չի փոխվել, որեւէ կերպ չեն խոչընդոտելու:
Մանրամասները` տեսանյութում
Հիշեցնենք, վաղը խորհրդարանում քննարկվելու է երկրորդ անգամ վարչապետի ընտրության հարցը: Քաղաքական պայմանավորվածություն կա, որ վարչապետը չի ընտրվելու, այնպես, ինչպես առաջին անգամ, ինչից հետո, իրավունքի ուժով խորհրդարանը կարձակվի: Արտահերթ խորհրդարանական ընտրություններ կայանալու են դեկտեմբերին:
Նելլի ԳՐԻԳՈՐՅԱՆ
