Հայաստանում Եվրոպական միության պատվիրակությունը հոկտեմբերի 30-ին կազմակերպել էր տեղեկատվական այց Վայոց ձոր՝ հանդիպելու Հայաստանի գյուղատնտեսների հետ և ծանոթանալու նրանց տրամադրած ԵՄ աջակցության արդյունքներին: ԵՄ դեսպան Պյոտր Սվիտալսկին լրագրողների ուղեկցությամբ մասնակցեց այցին:
Հայաստանում Եվրոպական միության պատվիրակությունը հոկտեմբերի 30-ին կազմակերպել էր տեղեկատվական այց Վայոց ձոր՝ հանդիպելու Հայաստանի գյուղատնտեսների հետ և ծանոթանալու նրանց տրամադրած ԵՄ աջակցության արդյունքներին: ԵՄ դեսպան Պյոտր Սվիտալսկին լրագրողների ուղեկցությամբ մասնակցեց այցին:
Եվրոպական միությունը (ԵՄ) երկար տարիներ աջակցել է Հայաստանի գյուղատնտեսներին և դարձել է Հայաստանի գյուղատնտեսության ոլորտի ամենամեծ դոնորը: ԵՄ-ն Եվրոպական հարևանության գյուղատնտեսության և գյուղական համայնքների զարգացման (ENPARD) և Օրգանական գյուղատնտեսության աջակցության նախաձեռնություն (ՕԳԱՆ) ծրագրերը Հայաստանի գյուղատնտեսությանն աջակցություն են տրամադրել բյուջետային աջակցության, տեխնիկական օժանդակության և դրամաշնորհների տեսքով՝ զարգացնելու գյուղական համայնքները, բարելավելու ոլորտի մրցունակությունն ու արդիականացումը և բարձրացնելու Հայաստանի քաղաքացիների կենսապայմանները: ENPARD «Տեխնիկական աջակցություն ՀՀ գյուղատնտեսության նախարարությանը» և ENPARD «Արտադրող խմբերի և արժեշղթաների զարգացում» ծրագրերը մոտենում են ավարտին, համապատասխանաբար 2018 թվականի նոյեմբերի 23-ին և 19-ին:
ENPARD-ի միջոցով Եվրոպական միությունը աջակցել է 33 գրանցված կոոպերատիվների մշակել բարձրարժեք մշակաբույսեր, հիմնվել է բարձրարժեք պանրի արտադրության 6 կոոպերատիվ, չրի և խոտաբույսերի 6 կոոպերատիվ, ոչ ավանդական բանջարեղենի արտադրության 4 կոոպերատիվ, մրգի և հատապտուղներին արտադրության 2 կոոպերատիվ, հնդկացորենի վերամշակման 2 գործարան Շիրակի, Գեղարքունիքի, Լոռիի, Արագածոտնի, Կոտայքի, Վայոց ձորի և Սյունիքի մարզերում (գրեթե 53 գյուղատնտեսական կոոպերատիվ և 4 ֆերմերային խմբեր Հայաստանի 7 մարզերում): ՕԳԱՆ-ի միջոցով մոտ 1 միլիոն եվրո է տրամադրվել 27 փոքր ֆերմերային խմբերի և 18 ֆերմերային տնտեսությունների, ինչպես նաև տրամադրվել է տեխնիկական և մարքեթինգային աջակցություն:
ENPARD ծրագրի տեխնիկական, ֆինանսական և վերապատրասման աջակցության շնորհիվ Ելփին համայնքում ստեղծվել է «Երփին» բարձրորակ պանրի արտադրամասը, իսկ ՕԳԱՆ-ը ֆինանսական և տեխնիկական աջակցություն է տրամադրել Տրինիտի ընկերությանը, որն առաջին է Հայաստանում սկսել արտադրել օրգանական գինի:
ԵՄ հանձնառությունը կյանքի է կոչվել ENPARD ծրագրի 25 միլիոն եվրո և 2.8 միլիոն եվրո ՕԳԱՆ ծրագրի ֆինանսական ներդրումների միջոցով: ԵՄ-ն ներդրումներ է կատարում արդիականացնելու գյուղատնտեսական տեխնիկան, դիվերսիֆիկացնելու մշակաբույսերը, զարգացնելու գյուղական համայնքներում եկամտաբեր գործունեությունը, ստեղծելու արեժեշղթաներ, ինչպես նաև նոր հնարավորություններ գյուղատնտեսների համար՝ ապահովելով գյուղատնտեսության ոլորտի զարգացման հնարավորություններ: ԵՄ-ն օգնում է գյուղատնտեսներին Հայաստանի տարբեր շրջաններում բարելավել արտադրության և քանակը, և որակը, գտնել շուկաներ, ինչպես նաև խթանում է արտահանումը և մուտքը ԵՄ շուկաներ:
«Եվրոպական միությունում մեծ պահանջարկ ունի առանց արհեստական բաղադրիչների, առողջ, բնական, քիչ շաքարով արտադրանքը: Հայաստանը ներուժ ունի արտադրելու նիշային արտադրանքներ և առավելություն է, որ շատ ընկերություններ ԵՄ աջակցության շնորհիվ ունեն օրգանական հավաստագիր», – նշեց դեսպանը և հավելեց. «ԵՄ-Հայաստան Համապարփակ և ընդլայնված գործընկերության համաձայնագիրը ճանապարհ է հարթում ավելի խորը համագործակցության, տնտեսական համագործակցության ընդլայնման և տարբեր ոլորտների, այդ թվում` գյուղատնտեսության, ավելի սերտ կապեր հաստատելու նոր հնարավորությունների ստեղծման համար»:
Մամուլի հաղորդագրություն
