Նիկոլ Փաշինյանին նվիրված «Իջեւան մոլորակից իջած փրկիչը» գրքի հեղինակ, իջեւանցի բանաստեղծ Լյուբիկ Չիբուխչյանին հարցրինք, թե գրքի շնորհանդեսը ե՞րբ կկայանա: Նա ասաց, որ առաջիկայում, մենք հրավիրված ենք այդ շնորհանդեսին:
Լյուբիկ Չիբուխչյանը հայտնեց, որ շնորհանդեսը կայանալու է Ենոքավանում: Այդ գյուղը Լյուբիկ Չիբուխչյանի հոր` Նիկոլի եւ Նիկոլ Փաշինյանի հոր`Վովայի հայրենի գյուղն է: Նա ասաց, որ գրքի շնորհանդեսի օրը Ենոքավանում հանդիսավորությամբ խաչքար է օծվելու:
Լ. Չիբուխչյանին հարցրինք, թե Ն. Փաշինյանին նվիրե՞լ է նրան ձոնված գիրքը, նա ասաց, որ սեպտեմբերի 9-ին Իջեւանում անձամբ Ն. Փաշինյանին նվիրել է այդ գիրք-ձոնը:
Ոսկան ՍԱՐԳՍՅԱՆ
