Ճանաչված ջազային երաժիշտ, կոմպոզիտոր, դաշնակահար Գարի Քյոսայանը հոկտեմբերի 28-ին «Արամ Խաչատրյան» համերգասրահում հանդես եկավ բացառիկ համերգով, որը նվիրեց իր սիրելի Երեւանի հիմնադրման 2800-ամյակին։ Համերգին մասնակցում էին նաեւ 10-ամյա Կարինե Իգնատյանը եւ դերասանուհի, երգչուհի Ալլա Սահակյանը: Վերջինս հատկապես յուրօրինակ մեկնաբանությամբ կատարեց Շառլ Ազնավուրի La Baraka-ն:
Համերգին հնչեցին Գարի Քյոսայանի ինչպես հայտնի ու սիրված, այնպես էլ նոր ստեղծագործություններ:
Ամեն կատարմանը դահլիճը բրավոներով ու հոտնկայս ծափահարություններով էր արձագանքում: Համերգի ավարտին էլ Գարի Քյոսայանին ու իր տաղանդավոր քառյակին (Նելլի Մանուկյան, Արմեն Մովսիսյան, Արմեն Հովակիմյան, Կարեն Սեդրակյան) ունկնդիրը բաց չէր թողնում: Տեւական բրավոները արդյունք տվին, ու դալիճը սկսեց վայելել գերշվինյան հայտնի Summertime-ը: Ունկնդիրը հեռացավ մեծ բավականությամբ` նոր համերգի սպասումով:
Գոհար ՀԱԿՈԲՅԱՆ
