ՀՅԴ խմբակցության պատգամավորներ Ռոմիկ Մանուկյանն ու Անդրանիկ Կարապետյանն այսօր չմասնակցեցին երկրորդ անգամ արտահերթ նիստով քննարկման ներկայացված Ընտրական նոր օրենսգրքի քվեարկությանը: Նախագիծը չընդունվեց: Նախորդ անգամ, հիշեցնենք, քվեարկությանը չմասնակցեցին «Ծառուկյան» խմբակցության որոշ պատգամավորներ:
Նախագծի ընդունմանն այս անգամ պակասեց մեկ ձայն: Անհրաժեշտ էր 63 ձայն:
ՀՅԴ-ն նախապես հայտարարել էր, որ կողմ է քվեարկելու:
Aravot.am-ի հարցին`ինչո՞ւ էին խմբակցության պատգամավորները բացակա, ՀՅԴ խմբակցության ղեկավար Արմեն Ռուստամյանը պատասխանեց. «Չգիտեմ, իրենց հարցրեք»: Պարոն Ռուստամյանը նաեւ ասաց, որ չի էլ հետաքրքրվել, թե ինչո՞ւ են պատգամավորները բացակայել:
Այլ մանրամասները`տեսանյութում
Լրագրողները նաեւ նախկին իշխանության համախոհ, բայց ներկայիս իշխանության կողմն անցած Սամվել Ալեքսանյանից հետաքրքրվեցին`ինչո՞ւ էին պատգամավորները բացակա: «Ցավդ տանեմ, ես ներկա էի»,- ասաց նա:
Այլ մանրամասները`տեսանյութում
Նելլի ԳՐԻԳՈՐՅԱՆ
