«Հայաստանի օրենսդրության համաձայն գործերը վերաբացելու համար պետք է լինի նոր ի հայտ եկած հանգամանք»,- այսօր լրագրողների հետ զրույցում ասաց վարչապետի պաշտոնակատար Նիկոլ Փաշինյանը՝ անդրադառնալով հարցին, թե հնարավո՞ր է վերաբացվի նաեւ «Հոկտեմբերի 27»-ի գործը:
Նրա խոսքով, այդ հարցով տուժողների իրավահաջորդները եւ նրանց ներկայացուցիչները ավելի շատ ասելիք կունենան, որովհետեւ իրենք են գործի մանրամասներին ծանոթ:
Հարցին, թե իր կարծիքով «Հոկտեմբերի 27»-ի թիկունքում արտաքի՞ն ուժեր էին, թե ներքին, նա պատասխանեց. «Ես այսօրվա իմ կարգավիճակում չեմ կարծում, որ ճիշտ է որեւէ մեկնաբանություն անեմ»:
Արփինե ՍԻՄՈՆՅԱՆ
