Լեհաստանի Զամոշչ քաղաքում ընթացող ծանրամարտի Եվրոպայի երիտասարդական առաջնության U 20 տարեկան աղջիկների պայքարում +90 կգ քաշային Արփինե Դալալյանը երկամարտի 332 կգ արդյունքով բավարարվեց արծաթե մեալով: Նա միանգամայն ի վիճակի էր ոսկի նվաճել, եթե պոկում վարժությունում 95 կիլոգրամից հետո բարձրացներ պատվիրած 100 կամ 102 կիլոգրամ ծանրաձողը:
Սակայն կորցրածը նա փորձեց վերադարձնել հրում վարժությունում: Առաջատարի դերն ստանձնած լեհ մրցակցին շրջանցելու համար Արփինեից պահանջվում էր գլխավերեւում պահել առնվազն ութ կիլոգրամ ծանր կշռող ծանրաձող: Երկրորդ մոտեցմամբ մեր մարզուհին նախ իրեն ենթարկեց 137 կգ-ն՝ ապահովելով փոքր ոսկին, այնուհետեւ գնաց 145 կիլոգրամի: Նա ծանրաձողը վերցրեց կրծքին, սակայն մի փոքր չբավարարեց այն պահել գլխավերեւում:
Աշոտ ՀԱԿՈԲՅԱՆ
