ՌԴ նախագահի խորհրդական, տնտեսագետ Սերգեյ Գլաձեւը կարծում է, որ ՀՀ-ն ռուսական գազ պետք է ձեռք բերի ոչ թե դոլարով, ինչպես հիմա է, այլ ՌԴ ազգային արժույթով՝ ռուբլիով: «Վոնոստի-Արմենիա» գործակալությունում այսօր լրագրողների հետ հանդիպմանը նա նշեց, որ ապագայում դա հնարավոր սցենար է. «Դա կախված է նրանից, թե երբ կվերանայվեն գազի մատակարարման պայմանագրի կետերը: Դա տեխնիկական հարց է»:
Գլազեւի խոսքով՝ երկար տարիներ Ռուսաստանն առաջ է քաշել ազգային արժույթին անցնելու գաղափարը, մանավանդ որ ՌԴ-ի հանդեպ խորացող պատժամիջոցներ են կիրառվում. «Չենք կարող մեզ թույլ տալ դոլարի օգտագործումը՝ երկրների հետ տնտեսական հարաբերություններում: Դա քաղաքական ռիսկեր է առաջացնում: Ռուբլին աստիճանաբար դառնում է ՌԴ-ԵԱՏՄ հարաբերությունների արժույթը»:
Ըստ տնտեսագետի՝ օտարերկրյա արժույթների օգտագործման հնարավոր ռիսկերի համար ՌԴ-ն պատասխանատու չէ. «Դա վերաբերում է նաեւ եվրոյին»:
Լուիզա ՍՈՒՔԻԱՍՅԱՆ
