ԱԺ նիստում «Ելք» խմբակցության ղեկավար Լենա Նազարյանը հայտարարեց. «Քիչ առաջ «Ելք» խմբակցությունը ՀՀ վարչապետի պաշտոնում առաջադրել է ՀՀ վարչապետի պաշտոնակատար Նիկոլ Փաշինյանի թեկնածությունը: Այս առաջադրումը ֆորմալ բնույթ է կրում եւ մեր նպատակն է ընդամենը Սահմանադրությամբ սահմանված որոշակի ընթացակարգերի լիարժեք ապահովումը: Մենք կոչ ենք անում ԱԺ-ին այս անգամ չընտրել վարչապետին, որպեսզի մենք գնանք ԱԺ-ն լուծարելու ճանապարհով»:
ԱԺ փոխնախագահ Մելքումյանն էլ արձագանքեց, որ իրենք էլ են կարծում, որ իհարկե, պետք է գնան դեկտեմբերյան արտահերթ ընտրություններին ու այն հարցերը, որոնք ապահովելու են այդ արտահերթ ընտրությունները, իրենց կողմից հարգվելու են:
Հռիփսիմե ՋԵԲԵՋՅԱՆ
