ՀՀԿ խմբակցության պատգամավոր Ռուստամ Մախմուդյանն իր երեկվա քվեարկությունը չի համարում թիմի հետ պայմանավորվածությունից շեղում: Հիշեցնենք, ՀՀԿ խմբակցության անդամ Ռուստամ Մախմուդյանը երեկ «կողմ» քվեարկեց Ընտրական օրենսգրքի քվեարկության ժամանակ:
«Իմ պատկերացումներում եւ վերաբերմունքում ոչինչ չի փոխվել»,- Aravot.am-ի հետ զրույցում ասաց պարոն Մախմուդյանը: Իր քվեարկության պատճառն, իր մատուցմամբ այն էր, որ պետաիրավական հարցերի հանձնաժողովում ինքը իրավական առումով դրական վերաբերմունք էր արտահայտել նախագծի վերաբերյալ. «Ես ընդամենը վերահաստատել եմ հանձնաժողովում արտահայտած տեսակետս»:
ՀՀԿ խմբակցության պատգամավոր Հարություն Կարապողոսյանն էլ, որը միացել էր արտահերթ ընտրությունները դեկտեմբերին անցկացնելու հայտարարությանը, երեկ ներկա չէր արտահերթ նիստին: Aravot.am-ի հարցին ի պատասխան՝ պարոն Պողոսյանն ասաց, որ անձնական խնդիրներով քաղաքից դուրս է եղել ու այդ պատճառով չի կարողացել մասնակցել արտահերթ ընտրություններին:
Նելլի ԳՐԻԳՈՐՅԱՆ
