Փաշինյանի թիմը գիտակցելով, որ իրենց թեկնածուի պարտության հավանականությունը շատ մեծ է, որեւէ կերպ չի գնացել արդյունքների կեղծմանը. «Հայկական ժամանակ»

Կապանում ՔՊ թեկնածուի պարտությունը տարբեր կերպ է մեկնաբանվում։ Կան կարծիքներ, թե պարտությունը պայմանավորված է նրանով, որ ընտրություններից մի քանի օր առաջ Սյունիքի մարզպետ նշանակվեց ՀՀ նախկին փոխոստիկանապետ Հունան Պողոսյանը։ Բայց իրականությունն այն է, որ դեռ շաբաթներ առաջ կատարված հարցումներով շատ ավելի վատ պատկեր էր ՔՊ-ի թեկնածուի համար։ Ըստ մի քանի գնահատականների, անկուսակցական Գևորգ Փարսյանի ձայները հասնում էին 70-75 տոկոսի, իսկ Նարեկ Բաբայանինը 20-25 տոկոսի։ Եվ հենց ՔՊ-ում էլ գիտեին, որ այստեղ ծանր ընտրություններ են սպասվում։

Սյունիքում դեռ ուժեղ են որոշակի խմբավորումներ, որոնց ազդեցությունը սյունեցիների վրա չափազանց մեծ է: Իրավիճակը կտրուկ փոխվել է Նիկոլ Փաշինյանի՝ Կապան կատարած այցից հետո, սակայն դա բավարար չէր ՔՊ-ի թեկնածուի համար հաղթանակ ապահովելու համար։

Այդուհանդերձ, Կապանի ընտրությունների արդյունքները ցույց տվեցին, որ Նիկոլ Փաշինյանի թիմը նույնիսկ գիտակցելով, որ իրենց թեկնածուի պարտության հավանականությունը շատ մեծ է, որեւէ կերպ չի գնացել արդյունքների կեղծմանը։

Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում