Ուկրաինան բողոք է ներկայացրել Հայաստանի դեմ Առևտրի համաշխարհային կազմակերպություն՝ նպատակ ունենալով վիճարկել հակադեմպինգային մաքսատուրքերը, որոնք սահմանվել են Հայաստան ներկրվող ուկրաինական պողպատյա խողովակների մի քանի շարք տեսակների վրա:
Ինչպես հաղորդում է Reuters գործակալությունը, համապատասխան բողոք ներկայացվել է նաև Ղրղզստանի ու Ղազախստանի դեմ:
Ուկրաինայի ներկայացուցիչները իրենց հայցի մեջ նշում են, որ Հայաստանը պետք է նվազեցնի մաքսատուրքերը, որոնք նրանց կարծիքով՝ նախատեսվածից բարձր են և սահմանվել են սխալ որոշումների հիման վրա:
