Այսօրվանից Գյումրիում սկսվել են հորդառատ անձրևները․ քաղաքը հայտնվել է անանցանելի ցեխաջրերի մեջ։ Այս փաստով մտահոգ գյումրեցիները խնդիրը սկսել են բարձրաձայնել իրենց հատուկ հումորով։
«Կոմպաս» Հ/կ նախագահ Ղարիբ Հարությունյան իր ֆեսբուքյան էջում գրել է՝ «Ուշադրություն… Ակցիա… Վաղվանից… Ցեխաբուժության անվճար կուրսեր Գյումրու գրեթե բոլոր փողոցներում..»։
Սաթենիկ Կաղզվանցյանն էլ կատակել է․ «Գյումրիում ցեխատրորման սեզոնը հայտարարում եմ բացված: Ուխխխ մե ցեխ, մե փոս․․․ ըսպես ուրախ կաբրինք»:
Լուսանկարիչ Գևորգ Ղազարյանն էլ մի լուսանկար է հրապարկել Գյումրու կենտրոնական Ալեք Մանուկյան փողոցից՝ ռուսերեն վերնագրելով «Водный аттракцион»։
«Լավ էլ ծով ունինք, խաբար չենք», -կատակել է այս լուսանկարով կիսված Սաթենիկ Կաղզվանցյանը։
Նունե ԱՐԵՎՇԱՏՅԱՆ
