Վարչապետին առընթեր ընտրական օրենսգրքի բարեփոխումների հանձնաժողովի քարտուղար Դանիել Իոաննիսյանի համոզմամբ, Ընտրական օրենսգրքի տապալման մեղավորը ոչ միայն ՀՀԿ-ն ու «թեթևակի» սաբոտաժ արած ԲՀԿ-ն ու ՀՅԴ-ն են, այլև գործադիր իշխանությունը:
«Մասնավորապես, Նիկոլ Փաշինյանը, ընտրությունների ժամկետներն անսպասելիորեն դեկտեմբեր բերելով, էապես մեծացրեց սաբոտաժի հնարավորությունը: Ընտրություններից առաջ ընտրական օրենսգրքի բարեփոխումը Նիկոլ Փաշինյանի առանցքային խոստումներից էր, և չէր կարելի օրենսգիրքը չփոխած սկսել ընտրությունների գործընթացը: Այդ դեպքում ԱԺ-ի վրա հանրային ճնշման հնարավորություն կունենայինք, եթե այսպիսի սաբոտաժ արվեր»,-նման կարծիքի է Դանիել Իոաննիսյանը:
Նա հույս ունի, որ դեռևս կարելի է փրկել իրավիճակը և փոփոխել օրենսգիրքը:
ՀՀԿ-ի բոյկոտը Իոաննիսյանը համարում է պետությանը միտումնավոր վնաս հասցնելու ձեւ. «Ընտրական շատ ավելի լավ միջավայր կորցրինք, ապագա խորհրդարանում ավելի մեծ բազմակարծություն կարող էինք ունենալ: Եթե ԲՀԿ-ի ու ՀՅԴ-ի խմբակցությունները ողջ կազմով քվեարկեին, նախագիծը կընդունվեր, անհասկանալի է՝ ինչու ամբողջ կազմով չեն քվեարկել»:
Արփինե ՍԻՄՈՆՅԱՆ
ԸՕ տապալման “հիմնադիրը” իհարկե գործադիրն է, բայց ոչ այն պատճառով, ինչը նշում է այդ տղան: ԸՕ-ն փոխելու համար ընտրել էին ոչ միայն իրավբանական, այլ ընդհանրապես ոչ մի կրթություն չունեցող ինչ որ Դանիելի: Նիկոլի բոբիկությունը կադրային քաղաքականության մեջ պարզապես անսահման է: