Այսօր տնտեսական մրցակցության պաշտպանության պետական հանձնաժողովի (ՏՄՊՊՀ) նախագահ Արտակ Շաբոյանը «Եվրասիական շաբաթ» միջազգային համաժողովի ժամանակ, լրագրողների հետ զրույցում ասաց, որ մեր երկրում հրուշակեղեն արտադրող 6 ընկերություն դիմել են հանձնաժողով՝ բողոքելով, որ ռուսական խոշոր մի ընկերություն Հայաստանում վարում է դեմպինգային քաղաքականություն եւ մրցակցության անհավասար պայմաններ ստեղծում, ինչի պատճառով տեղական արտադրողները տուժում են։
ՏՄՊՊՀ ղեկավարի խոսքով, իրենց կողմից նախնական ուսումնասիրությունները ցույց են տվել, որ ռուսական «ԿԴՎ գրուպ» արտադրողը իսկապես Հայաստանում իր հրուշակեղենը շատ ցածր գներով է իրացնում, ավելի ցածր, քան հենց Ռուսաստանում. «Քանի որ այդ ընկերությունը գերիշխող դիրք է զբաղեցնում Ռուսաստանի տարածքում եւ մենք գործ ունենք անդրսահմանային շուկայի հետ, հնարավոր է՝ ԵՏՄ շրջանակներում դա կարող է դիտարկվել որպես գերիշխող դիրքի չարաշահում։ Մենք դիմել ենք Եվրասիական տնտեսական հանձնաժողովի մեր գործընկերներին, որպեսզի ստանանք գնագոյացման մասին տեղեկություն»:
Լուսինե ԲՈՒԴԱՂՅԱՆ
փաստորեն ով ցածր գնով է վաճառում մեր ժողովրդի թշնամին է;Գնացեք Զեպելին ֆիրմա և բարձր գների համար ներկայացրեք ՀՀ-ի հերոսի կոչման: Միակ Ֆիրման է Կատերպիլլերի: