Ալավերդիում պղնձաձուլական գործարանի փակման և աշխատակիցների բողոքի ակցիա անելու առնչությամբ բնապահպան Կարինե Դանիելյանը նշում է, որ և՛գործարանի փակվելն է ճիշտ, և՛ աշխատակիցների բողոքելը:
«Երբ Էկոլոգիական, սոցիալական և տնտեսական խնդիրները կոնֆլիկտի մեջ են մտնում, շատ վատ է թե՛ բնակչության, թե՛ երկրի համար: Գործարանը փակելուց առաջ պետք է մարդկանց սոցիալական խնդիրները լուծել»:
Ըստ բնապահպանի՝ Ալավերդու պղնձաձուլական գործարանը բազմաթիվ վտանգավոր հետևանքներ ունի շրջակա միջավայրի և մարդկանց առողջության համար:
«Վերջին տարիներին փորձեցին գործարանի ծխնելույզը բարձրացնել, որպեսզի արտանետումները վերացնեն, բայց դրանք ավելի շատ տարածվեցին»,- նշում է բնապահպանը:
«Էկոլուր» տեղեկատվական ՀԿ նախագահ Ինգա Զառաֆյանն էլ նշում է, որ 2013թ. բնապահպանության նախարարությունը հաստատել է տարեկան մոտ 28 հազար տոննա ծծմբային անհիդրիդի արտանետումը. «Երբ այդ արտանետումները դուրս են գալիս և խառնվում են ջրի հետ, տալիս է մոտ 42 հազար տոննա ծծմբային թթու: Այսինքն մարդիկ շնչում են այս քանակի թունավոր արտանետումներ»:
Ինգա Զառաֆյանն ընդգծում է, որ «Արմենիան Քափըր Փրոգրամ» ընկերությունը պահանջում է, որ առանց ավել գումար վճարելու էլի արտանետեն նույն բանականությամբ ծծմբական թթուն: Սակայն ըստ պարտավորությունների՝ ընկերությունը պետք է արտանետումների քանակը իջեցներ մինչև նորմատիվ պահանջների բավարարում:
Մանրամասն՝ կարդացեք այստեղ
