Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արամ Գրիգորյանը «ԱԺ կանոնակարգ» օրենքի 128-րդ հոդվածի 5-րդ մասի համաձայն հանդես է եկել հայտարարությամբ:
«Օրենքով սահմանված ժամկետում Հաշվեքննիչ պալատի անդամի թափուր պաշտոնի համար թեկնածու է առաջադրել միայն ԱԺ «Ժողովրդավարություն» խմբակցությունը: Խմբակցության առաջադրած թեկնածուն Շուշանիկ Լավրենտի Հայրապետյանն է: Ազգային ժողովին թեկնածու առաջարկելու մասին հարցի քննարկումը տեղի կունենա նոյեմբերի 13-ին, ժամը 11:00-ին»,- նշված է հայտարարության մեջ:
Արցախի Հանրապետության ԱԺ լրատվության և հանրության հետ կապերի բաժին
