28 միկրոավտոբուսային երթուղու տնօրենը դեմ չէ կառավարության դեմոկրատական մոտեցումներին, սակայն մտահոգություն ունի, որ նոր ավտոբուսներ բերելուց հետո շատ խնդիրներ կառաջանան:
«Մենք չունենք այդ ավտոբուսների համար նախատեսված պարկեր, պահեստամասեր, որտե՞ղ պետք է վերանորոգվեն այդ ավտոբուսները, եւ վերջապես մեր վարորդները չեն ցանկանում ավտոբուսներ վարել»,- այսօր լրագրողների հետ հանդիպմանը հայտնեց 28 երթուղու տնօրեն Վլադիկ Աբրահամյանը: 28 համարի երթուղին սկսվում է Հարավ Արեւմտյան Բ2 թաղամասից եւ վերջանում Զեյթունի ուսանողական հանրակացարանի 6-րդ մասնաշենքի մոտ:
Ազատամարտիկ Աբրահամյանի խոսքով, իր երթուղին 20 գազել ունի, որոնց վարորդները բոլորը վարկեր ունեն եւ եթե ավտոբուսներ վարեն, չեն կարողանա մարել վարկերը. «Լիքը վարկեր ունեն, եթե գազելները հանեն, հիմա էդ մարդիկ պետք է էլի վարկեր վերցնեն, որ հները փակեն: Ես ազատամարտիկ եմ, 10 ազատամարտիկի եմ աշխատանքի վերցրել, պաշտպանության նախարարությունը ասեց՝ գնա գիծն աշխատացրու: Ես դեմ չեմ ավտոբուսներին, բայց մենք վարորդ չունենք, գազել քշողները չեն կարող ավտոբուս քշել»:
Մանրամասն՝ կարդացեք այստեղ
