Ամեն անգամ, երբ կարկուտն ու ցրտահարությունը գյուղատնտեսների բերքին մեծ վնասներ են հասցնում, կառավարության պատասխանատուները գյուղատնտեսության ապահովագրության կարեւորության մասին ելույթներ են ունենում, սակայն գործնական որեւէ քայլ այդ ուղղությամբ մեր երկրում այդպես էլ չի արվում: Մի կողմից ասում են` գյուղն է քաղաքին կերակրողը, բայց երբ գյուղատնտեսությունը ապահովագրելու մասին խոսք է բացվում, պատճառաբանում են` գյուղոլորտում ռիսկերը շատ մեծ են, ապահովագրող ընկերությունները չեն ուզում դրա տակ մտնել: Մինչդեռ, մասնագետների վկայությամբ, միջազգային փորձը ցույց է տալիս, որ պետության-մասնավոր հատվածի համագործակցությամբ հնարավոր է ագրոապահովագրությունն աստիճանաբար ներդնել:
Պրակտիկան ցույց է տալիս, որ առանց գյուղապահովագրության, գյուղացուն ոտքի կանգնեցնելու կառավարության փորձերը ապարդյուն են անցնում եւ անցնելու՝ հատկապես, որ ներկայումս գյուղատնտեսների մեծ մասն իրենց այգիները, դաշտերը մշակելու համար ներդրումներ է անում վարկեր ներգրավելով, ուստի բնական աղետներից տուժելու դեպքում հայտնվում է անելանելի իրավիճակում:
Գյուղացիական կոոպերատիվների արդյունավետության, կոոպերատիվներին պետության աջակցության բացակայության մասին կարդացեք
ԼՈՒՍԻՆԵ ԲՈՒԴԱՂՅԱՆ
«Առավոտ»
20.10.2018
