ՀՀԿ-ում կան տարբեր կարծիքներ ԱԺ արտահերթ ընտրություններին մասնակցելու հարցի շուրջ: Այս մասին «Ժամանակ»-ի հետ զրույցում նշեց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը՝ հավելելով, որ օրենքով սահմանված ժամկետներում ՀՀԿ-ն իր դիրքորոշումը կհստակեցնի:
«Մենք միայն Գործադիր մարմնում չպետք է այդ հարցը քննարկենք, միգուցե քննարկենք նաև Խորհրդում՝ քննարկումներին մասնակից դարձնելով մեր կուսակցական լայն շրջանակներին, շարքերին»,- ասաց նա՝ ընդգծելով, որ իր տպավորությամբ կուսակցությունում ավելի շատ են ընտրություններին մասնակցելու կողմնակիցները:
Ինչ վերաբերում է Սերժ Սարգսյանի դիրքորոշմանը, Շարմազանովն ասաց. «Ես չեմ կարծում, որ պետք է փոխանցեմ պարոն նախագահի կարծիքը: Նա ուշադիր լսում է բոլորիս կարծիքները, և մենք վերջնական միասին կարծիք կկազմենք և կորոշենք»»:
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
