Սեւքարի անտառտնտեսությունն ունի 29 հազար հեկտար տարածք, որից 19 հազար հեկտարն անտառապատ է: Անտառտնտեսության տարածքներից հատումների համար աճուրդով տրվել է 6 հատատեղ, 3 հատատեղ էլ անտառտնտեսությունն է շահագործում: Այս տարի հատումների պլանը կազմում է 4500 խորանարդ մետր, որից 306 խ.մ.-ն՝ շինափայտ: «Հայանտառ» ՊՈԱԿ «Սեւքարի անտառտնտեսություն» մասնաճյուղի ավագ անտառապետ Մուշեղ Մադաթյանը հայտնեց, որ Իջեւանի տարածաշրջանի 10 գյուղերի ծխերին անցյալ տարի ինքնապատրաստմամբ տրվել է 8-ական խորանարդ մետր թափուկ վառելափայտ, այս տարի եւս այդ ընտանիքներին թափուկ է տրվելու: Սեւքարի անտառտնտեսություն ունի 49 աշխատող, անտառապահի աշխատավարձը, հարկային պահումները հանած, կազմում է 75 հազար դրամ: Անտառտնտեսության պահեստում մեկ խորանարդ մետր վառելափայտի գինը 21 հազար 600 դրամ է:
Նկարում՝ Մուշեղ Մադաթյանը
Սեւքարի անտառտնտեսությունից հայտնեցին, որ իրենց անտառներում ապօրինի հատումների համար հարուցված քրեական գործեր չկան: Անտառապահները տարածքը հսկելու համար 15 ձի են օգտագործում:
Մ. Մադաթյանն ասաց, որ այս տարվա գարնանը Չիբուլլու անտառամասում 1 հեկտար տարածքում կաղնու տնկիներ են տնկվել, 2 հեկտար տարածքում էլ կաղնու սերմերով է ցանք կատարվել: Սեւքարի անտառտնտեսությունը Աճարկուտում 1 հեկտար կաղնու տնկարան ունի:
Ոսկան ՍԱՐԳՍՅԱՆ
