«Ռոբերտ Քոչարյանին ասեք, թող հանգիստ լինի, «Լույս» դաշինքը թույլ չի տա». Էդմոն Մարուքյան

Երկրորդ նախագահ Ռոբերտ Քոչարյանը «Բլումբերգ» գործակալությանը տված հարցազրույցում ասել է, որ թավշյա հեղափոխության ողջ իմաստը քաղաքական մենաշնորհը կազմաքանդելու մեջ էր ու չի կարծում, թե «իշխանական մի մենաշնորհի անցումը մյուս մենաշնորհին կարող է երկրի համար օգտակար լինել»: Ըստ նրա, «դեկտեմբերին ընտրությունները կլինեն Փաշինյանի անձնական մարտավարական հաղթանակը, բայց պարտություն մեր պետականության համար»:

Ավելի ուշ նա RIA Novosti ռուսական գործակալությանը տված հարցազրույցի ժամանակ ասել է, որ երկրում արտահերթ ընտրությունների անցկացումը կարող է հանգեցնել քաղաքական մենաշնորհի հաստատմանը:

Այս մասին Aravot.am-ի հետ զրույցում «Ելք» խմբակցության պատգամավոր Էդմոն Մարուքյանը հարցին՝ դուք նման մտավախություն ունե՞ք, որ քաղաքական մենաշնորհ կլինի՝ պատասխանեց. «Լույս» դաշինքը դա թույլ չի տա: Ռոբերտ Քոչարյանին ասեք, թող հանգիստ լինի, «Լույս» դաշինքը թույլ չի տա, որ քաղաքական մենաշնորհ լինի:

Հռիփսիմե ՋԵԲԵՋՅԱՆ