226 գլուխ խոշոր եղջերավոր անասունները Արարատի մարզի Շահումյան եւ Տափերական գյուղերում իսկական «ոսկե ցլիկն» էին դարձել. նրանց մեկ տարով ապահովագրել էին: Այդ մեկ տարվա ընթացքում անասունների առողջությունն այնքան թանկ էր, որ մասնագետներն ասում են` կովի ջերմությունը մի քիչ բարձրանում էր, 4-5 անասնաբույժ իրար էին խառնվում` դեղ էին հասցնում, ջուր, ամեն կերպ օգնում, որ կենդանին առողջանա:
Ապահովագրված անասունները «թանկարժեք» են դարձել, քանի որ մեր երկրում գյուղատնտեսության ապահովագրության դաշտ ոչ ոք չի մտնում. ռիսկայնությունը բարձր է:
Այս երկու գյուղերն էլ համարվում են մարզի ամենաթիրախային համայնքներից, որտեղ հաճախ են խոշոր եղջերավորների անկումներ գրանցվում: Պատճառը գյուղով անցնող գլխավոր ճանապարհն է, դրենաժները, տարածքին հատուկ լեպտոսպիրոզ հիվանդությունը: Ուստի անասուններին ապահովագրելու պիլոտային ծրագիրը հանրապետության հենց այս համայնքում է առաջինը փորձարկվել: Պետական պիլոտային ծրագիրն ավարտվել է, գյուղացիները գոհ են, բայց չեն ուզում կրկին ապահովագրել. հիմա արդեն պիտի սեփական միջոցներով անեն:
ԼՈՒՍԻՆԵ ԲՈՒԴԱՂՅԱՆ
«Առավոտ»
17.10.2018
