Ազգերի Լիգայի խմբային մրցաշարում Հայաստան-Մակեդոնիա հետխաղային մամուլի ասուլիսը հյուրերի գլխավոր մարզիչ Իգոր Անգելովսկու հետ երկար չտեւեց:
«Հայաստանի հավաքականն այսօր շատ լավ ֆուտբոլ խաղաց, ինչի համար ձեզ շնորհավորում եմ:Անկախ այս պարտությունից մենք աշխատելու ենք Լիխտենշտեյնի եւ Ջիբրալթարի հետ հանդիպումներում հաղթել եւ լուծել մեր առջեւ դրված խնդիրը», ասաց նա:
Հարցին, թե խաղի ընթացքում թե մարզիչները, թե ֆուտբոլիստները շատ էին դժգոհում մրցավարի գործողություններից, հիմա ի՞նչ կասի, Անգելովսկին պատասխանեց. «Ես մրցավարների գործողությունները երբեք չեմ մեկնաբանում: Խաղն ավարտված է եւ այս թեմայով ես ասելիք չունեմ»: Նա նշեց նաեւ, որ Հայաստանի հավաքականն այսօր իրենց չզարմացրեց, քանի որ գիտեի՝ Հայաստանն ուժեղ թիմ ունի եւ իրենք այսօր պարտվեցին, ոչ թե տակտիկական սխալ որոշումների պատճառով, այլ՝ անհատական սխալների:
Աշոտ ՀԱԿՈԲՅԱՆ
