«Ծառուկյան» խմբակցությունում գոհ են ԸՕ-ի փոփոխությունների շուրջ այսօր առաջին փոխվարչապետ Արարատ Միրզոյանի հետ քննարկումից: Այդ մասին, քննարկման ավարտից հետո, լրագրողների հետ զրույցում ասաց խմբակցության քարտուղար Վահե Էնֆիաջյանը:
«Ծառուկյան» խմբակցության պատգամավորների համար ընդունելի է խորհրդարան անցնող 4-րդ ուժի համար անցողիկ շեմը առնվազն 2 տոկոս դարձնելու դրույթը։ Վահե Էնֆիաջյանն ասում է`խորհրդարանը պետք է արտացոլի ժողովրդի ցանկությունները:
«Ծառուկյան» խմբակցությունը կողմ կքվեարկի ԸՕ-ին, եթե իրենց համար սկզբունքային կետերը ընդունվեն:
Արարատ Միրզոյանն էլ հայտարարեց, որ «Ծառուկյան» խմբակցությունը խորհրդարանական արտահերթ ընտրությունների հարցով հանդիպման ընթացքում որոշակի փոխզիջումների է գնացել. «4-րդ ուժը կկարողանա անցնել ԱԺ, եթե հավաքի առնվազն 2 տոկոս քվե։ Բայց սա պետք է շարունակենք քննարկել մյուս խմբակցությունների հետ ևս»,- ասաց նա:
Նելլի ԳՐԻԳՈՐՅԱՆ
