Երեկ՝ 2018թ. հոկտեմբերի 15-ին, ՀՀ Վարչական դատարանը հրապարակված վճռով բավարարեց բնակարանի պատշգամբը վերանորոգելու և ամրացման աշխատանքներ կատարելու համար Երևանի քաղաքապետարանի կողմից տուգանված Գ. Ս.-ի հայցը:
Վերջինս ՀՔԱ Վանաձորի գրասենյակի աջակցությամբ ՀՀ Վարչական դատարան ներկայացված հայցով պահանջել էր վերացնել իրեն տույժի ենթարկելու՝ Երևանի քաղաքապետարանի աշխատակազմի վարչական իրավախախտումների վերաբերյալ գործերի քննության բաժնի պետ Ա․ Մարտիրոսյանի 2017 թվականի հոկտեմբերի 11-ի որոշումը:
Մինչ դատարան դիմելը Գ. Ս.-ն որոշումը բողոքարկել էր Երևանի քաղաքապետ Տ. Մարգարյանին, սակայն վերջինս անփոփոխ է թողել Ա․ Մարտիրոսյանի որոշումը:
Հելսինկյան Քաղաքացիական Ասամբլեայի Վանաձորի գրասենյակ
