Ջավախքի Դիլիֆ հայկական գյուղի միակ եկեղեցին, որ կառուցվել է 1866 թվականին, խոնարհված էր դեռևս սովետական տարիներից: Անկախությունից հետո, թե՛ ֆինանսական, թե՛ այլ գործոններով պայմանավորված, մշեցի գաղթականների հիմնած Վարդանանց եկեղեցին չէր հաջողվում վերանորոգել: Դա, իհարկե, որևէ կերպ չի անդրադարձել գյուղացիների հավատքի ու համախմբվածության վրա. գյուղի բազմաթիվ սրբերը և Մշից բերված Նարեկները, տարիներ շարունակ, եկեղեցու դեր են կատարել դիլիֆցիների համար:
2 ռուսաստանաբնակ հայ գործարարների ջանքերով, սակայն, օրեր առաջ, 250 հոգանոց հայկական գյուղի միակ եկեղեցին նորից օծվեց, նորից պատարագ մատուցվեց, նորից մշեցիքի աղոթք հնչեց:
Ստորև ներկայանում ենք մեր ռեպորտաժը՝ Դիլիֆից:
Սուրեն Սարգսյան
