Ֆուտբոլի «Ազգերի Լիգայի» երրորդ տուրում մրցակցի հարկի տակ տարած 1:0 հաշվով հաղթանակը Ջիբրալթարի ընտրանու գլխավոր մարզիչ Սեզար Ռիբասը Հայաստանի հավաքականի հետ հանդիպումից հետո հետխաղային մամուլի ասուլիսում պատմական որակեց:
Ջիբրալթարցի մասնագետին Հայաստանի լրատվամիջոցների ներկայացուցիչները մեկ հարց ուղղեցին՝ երբեւէ կպատկերացնե՞ր, որ Երեւանում կհաղթեին Հայաստանի հավաքականին: «Սա պատմական հաջողություն է մեզ համար, որովհետեւ սկսած այն պահից, ինչ դարձել ենք ՖԻՖԱ-ի կամ ՈՒԵՖԱ-ի անդամ, առաջին հաղթանակն է պաշտոնական խաղում: Բայց կարող եմ ասել, որ Հայաստանի հավաքականը բավականին լավ խաղաց, բազմաթիվ պահեր ստեղծեց: Մենք էլ լավ խաղացինք, լավ պաշտպանվեցինք եւ կարողացանք պատմություն կերտել»:
Աշոտ ՀԱԿՈԲՅԱՆ
