Նոյեմբերյանի տարածաշրջանի՝ Վրաստանին սահմանակից, 425 բնակիչ ունեցող Դեղձավան գյուղում հիմնականում բնակվում են Վրաստանի Ջավախքի տարածաշրջանից վերաբնակվածները: Փոքր գյուղի բուժկետը գտնվում է Դեղձավանի կենտրոնում:
Կանաչ ներկված փոքր, փայտաշեն տնակի կեսը զբաղեցնում է բուժկետը, կեսը՝ ոստիկանության տեղամասային աշխատողի աշխատասենյակը: Փորձառու բուժքույր, 30 տարի առաջ Ադրբեջանից բռնագաղթած Լյուդմիլա Գալստյանը հայտնեց, որ պետության կողմից տրվում են առաջին բժշկական օգնության համար նախատեսված դեղամիջոցները, որոնք բաժանվում են դեղձավանցի հիվանդներին:
Նա ասաց, որ փայտե տնակի ջերմամեկուսացումը վատ է կատարվում, տնակում ամռան ամիսներին խիստ շոգ է, ձմռանը՝ ցուրտ : Տնակի տախտակների արանքով շոգն ու ցուրտը թափանցում են բուժկետի տարածք: Բուժկետը ապահովված չէ խմելու ջրով: Բուժքույր Լ, Գալստյանը ջուրը դույլերով ներկրում է բուժկետի մոտակա աղբյուրից:
Ոսկան ՍԱՐԳՍՅԱՆ
