Հայաստանցի լողորդ Արթուր Բարսեղյանը այսօր Բուենոս Այրեսում իր մրցելույթներն ավարտեց 100 մետր ազատ ոճ լողում: Շնորհաշատ մարզիկը ցույց տվեց 0.51.33 արդյունք, որով թարմացրեց Հայաստանի ռեկորդը, սակայն դա բավարար չեղավ որակավորման փուլը հաղթահարելու համար:
Հայաստանի պատանի օլիմպիականների մասնակցությունը այս տարիքային խմբի համաշխարհային օլիմպիադային դեռ պետք է գնահատվի: Սակայն այսօր մի բան արդեն պարզ է. լողորդ Արթուր Բարսեղյանը լիովին արդարացրեց ակնկալիքները՝ Անկախ Հայաստանի պատմության մեջ առաջին անգամ լողի նմանատիպ խոշորամասշտաբ մրցաշարում մտնելով եզրափակիչ եւ միեւնույն ժամանակ սահմանելով Հայաստանի ռեկորդներ:
Աշոտ ՀԱԿՈԲՅԱՆ
