«Մարտիկ» հիմնադրամի ղեկավար, Արցախի գործարար հերոս, գեներալ լեյտենանտ Արթուր Աղաբեկյանը, որը մեղադրվում է գումարներ վատնելու մեջ, փաստաբան չի պահում։ Իր վերաբերյալ քննությանը մասնակցում է մենակ։
Թեեւ գործով նոր հանգամանքներ բացահայտված չեն, սակայն ընդհանուր մոտեցումն այն է, որ Արցախի հերոսի հետապնդումը դադարեցնեն, բնականաբար, այն բանից հետո, երբ նա կմուծի վատնված գումարները։
ՔԿ հրապարակած վատնումների գումարը՝ 54 մլն դրամ, շատ քիչ է։ «Ես այս գումարի չափի հետ համամիտ չեմ»,- ասում է Երեւանի ավագանու նախկին անդամ Անահիտ Բախշյանը։ Նա 2016 թվականից խոսել է, բարձրաձայնել, աղմկել «Մարտիկի» չարաշահումների վերաբերյալ, պահանջել, որ հիմնադրամը լուծարվի, եւ այժմ հետեւում է քրեական գործի ընթացքին։
Անահիտ Բախշյանը պատմում է․ «Ապրիլյան պատերազմից հետո մենք 2 չափազանց ծանր վիրավորված զինվորներ ունեինք, որոնց ծնողները պնդում էին, որ նրանց Գերմանիա ուղարկեն՝ բուժման։ Գումար հավաքելու խնդիր կար, եւ ես դիմեցի, որ Արթուր Աղաբեկյանն էլ գումար տա։ Նա ասաց մոտավորապես, որ այդպիսի նպատակների համար չէ «Մարտիկ» հիմնադրամը, հետո մի կերպ ընդամենը 1-ական միլիոն տվեց յուրաքանչյուրին, այն դեպքում, երբ որ ինքն այդ տարի ահագին միլիոններ ուներ։ Ես ջղայնացա։ «Մարտիկ» հիմնադրամն էլ ո՞ր պահի համար էր, եթե ոչ այն օրվա։ Ինձ ասացին, որ կանոնադրական կետ ունեն, որ Հայաստանի համար միայն օրհասական պահերին կարող են որոշում կայացնել՝ «Մարտիկ» հիմնադրամի մայր գումարը ծախսել։ Ես հարցրեցի, թե սրանից էլ օրհասական պահը ո՞րն է, ինչո՞ւ չեն ՀՀ նախագահը, պաշտպանության նախարարը, Վեհափառը եւ Աղաբեկյանը՝ որպես հոգաբարձուների խորհրդի նախագահ, այդ որոշումը կայացնում։ Այդպես սկսեցի բողոքել, ի վերջո մեղադրանքը եղավ»։
Սյուզան ՍԻՄՈՆՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում
