Բուենոս Այրեսում ընթացող ամառային պատանեկան օլիմպիական խաղերում հայաստանցի լողորդ Արթուր Բարսեղյանը այս գիշեր երկու կարեւոր մեկնարկի մասնակցեց:
Հեռանկարային մարզիկը հանդես գալով 50 մետր ազատ ոճով լողի եզրափակչում՝ 0.23.17 արդյունքով եզրագիծը հատեց ութերորդը, իսկ նույն մրցատարածության դելֆին լողաոճի կիսաեզրափակիչ փուլում ցույց տվեց 0.24.44 արդյունք, ինչը չբավարարեց ութ ուժեղագույնների մեջ հայտնվելու եւ մեդալի համար պայքարելու իրավունք նվաճելու համար:
Արթուր Բարսեղյանի մրցելույթը պատանեկան օլիմպիական խաղերում հաջող է, քանի որ մեր համար դժվար լող մարզաձեւում նախնական փուլերը հաղթահարելը, առավել եւս՝ եզրափակչի ուղեգիր նվաճելը արդեն իսկ լուրջ ձեռքբերում է:
Աշոտ ՀԱԿՈԲՅԱՆ
