«Հանրապետական» խմբակցության ևս երկու պատգամավոր՝ Ավետ Սարգսյանը և Ռաֆիկ Գրիգորյանը, ըստ «Ազատություն» ռադիոկայանի՝ միացել են խորհրդարանում ընթացող ստորագրահավաքին՝ ի պաշտպանություն դեկտեմբերին արտահերթ ընտրություններ անցկացնելու վարչապետ Նիկոլ Փաշինյանի նախաձեռնությանը։ Այսպիսով` ստորագրահավաքին մասնակցած պատգամավորների թիվը հասավ 16-ի։
Հիշեցնենք, ստորագրահավաքին մասնավորապես միացել են Հանրապետական խմբակցության գործող անդամներ, նախկին ոստիկանապետ Ալիկ Սարգսյանը, գործարարներ Արայիկ Գրիգորյանը, Հակոբ Հակոբյանը, Հարություն Կարապողոսյանը, պատգամավոր Տաճատ Վարդապետյանը, ազգային փոքրամասնությունները ներկայացնող Կնյազ Հասանովը, Արսեն Միխայլովը: Նրանք հայտարարություն են ստորագրել, որով սատարում են դեկտեմբերին արտահերթ խորհրդարանական ընտրություններ անցկացնելու վարչապետի դիրքորոշումը. «Վարչապետի պաշտոնից Փաշինյանի հրաժարականից հետո մինչև արտահերթ ընտրությունները նոր վարչապետ չպետք է ընտրվի և գործող խորհրդարանը պետք է լուծարվի»։
