Տեղական ինքնակառավարման մարմիններում սկսված հեղափոխական ալիքն ամեն օր նոր համայնք է կլանում։ Մարզային կյանքը չի խաղաղվում, ժամանակակից բառուբանով ասած, հեղափոխականներն ու հակահեղափոխականներն իրար չեն զիջում։ Տարբեր գյուղեր բաժանվել են երկու մասի՝ համայնքի ղեկավարի կողմնակիցների և նրանց ընդդիմախոսների, ոչ մեկը չի նահանջում, իսկ համայնքային կյանքն էլ կաթվածահար վիճակում է։ Ինչպես երևում է, այս ամենին իշխանությունը բավականին հանգիստ է վերաբերվում, հայտարարելով՝ եթե գյուղապետերն այդքան վստահություն ունեն, թող գնան նոր ընտրությունների։
Եթե նախկինում ՏԻՄ ընտրություններում թեկնածուների գերակշիռ հատվածը ՀՀԿ-ական էր, հիմա էլ ՔՊ-ական է։ Փաստորեն, բան չի փոխվել, ընդամենը իշխանական կուսակցության անունը: Իսկ նախկին իշխանությունները, որոնք բավականին ամուր էին հենց ՏԻՄ ղեկավարների մեծամասնություն ունենալու շնորհիվ, այսօր կրկին անհանգստացած են, որ արագ կորցնում են իրենց դիրքերը նաև համայնքներում։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
