Սերգեյ Կոպիրկինը նշել է, որ հայ-ռուսական հարաբերությունները կան եւ պետք է լինեն բարեկամական` անկախ քաղաքական իրադրությունից

Հոկտեմբերի 8-ին ՀՀԿ խմբակցության ղեկավար Վահրամ Բաղդասարյանը հանդիպել է Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինի հետ:

Վահրամ Բաղդասարյանը համոզմունք է հայտնել, որ դեսպանն իր գործունեությամբ կնպաստի հայ-ռուսական դարավոր եղբայրական հարաբերությունների առավել խորացմանը:

Զրուցակիցները քննարկել են հայ-ռուսական համագործակցությանն առնչվող հարցեր: Մասնավորապես անդրադարձ է եղել երկկողմ ռազմավարական եւ դաշնակցային հարաբերություններին, միջխորհրդարանական հարթակներում փոխգործակցությանը:

Սերգեյ Կոպիրկինը նշել է, որ հայ-ռուսական հարաբերությունները կան եւ պետք է լինեն բարեկամական` անկախ քաղաքական իրադրությունից:

Հանդիպմանը ներկա է եղել նաեւ ԱԺ պատգամավոր Հայկ Բաբուխանյանը:

ՀՀ ԱԺ հասարակայնության եւ տեղեկատվության միջոցների հետ կապերի վարչություն