Եկող տարվա բյուջեի ծախսերը կանխատեսվում են՝ 1 տրիլիոն 642 միլիարդ դրամ: 2019 թվականի պետական բյուջեի մասին օրենքի նախագիծն արդեն խորհրդարանում է:
Եկող տարվա բյուջեն, ի տարբերության նախորդ տարիների, ծրագրային է. սա նշանակում է, որ գումարը հատկացվում է կոնկրետ գերատեսչությանը:
Իսկ նախորդ տարիներին, ինչպես Aravot.am-ին մեկնաբանեցին ֆինանսների նախարարությունից, բյուջեն բաշխվում էր ըստ ոլորտների. ասենք՝ պաշտպանական ոլորտին հատկացված գումարը կարող է ծախսեին եւ առողջապահության նախարարությունը, եւ կրթությունը եւ այլ գերատեսչություններ: Եվ սա է պատճառը, ինչպես մեզ բացատրեցին նախարարությունից, եկող տարվա ծախսերը համեմատել այս տարվա հետ, գործնականում հնարավոր չէ: 2019-ի բյուջեի, այսպես ասած փիլիսոփայությամբ, ըստ նախարարության, յուրաքանչյուր գերատեսչություն իր ստանալիք գումարը ծախսելու համար միակ պատասխանատուն է եւ հաշվետուն, ֆինանսավորումը հատկացվում է ըստ ծրագրերի:
Ըստ այդմ՝ եկող տարվա բյուջեով նախատեսվում է ՀՀ վարչապետի աշխատակազմին հատկացնել 20 միլիարդ 697 միլիոն դրամ, իսկ ահա ՀՀ ոստիկանությանը վարչապետի աշխատակազմից եռակի ավել գումար է հատկացվելու՝ 61 միլիարդ 872 միլիոն դրամ:
2019-ի պետական բյուջեից հատկացվելու է՝
Ազգային ժողովին՝ 5 միլիարդ 254 միլիոն դրամ
ՀՀ նախագահի աշխատակազմին՝ 1 միլիարդ 145 միլիոն դրամ
Սահմանադրական դատարանին՝ 725 միլիոն դրամ
Բարձրագույն դատական խորհրդին՝ 12 միլիարդ 380 միլիոն դրամ
Ազգային անվտանգությանը՝ 32 միլիարդ 717 միլիոն դրամ
Դատախազությանը՝ 5 միլիարդ 340 միլիոն դրամ
Հատուկ քննչական ծառայությանը՝ 739 միլիոն դրամ
Քննչական կոմիտեին՝ 7 միլիարդ 839 միլիոն դրամ
2019-ի պետական բյուջեի առյուծի բաժինը աշխատանքի եւ սոցիալական պաշտպանության նախարարությանն է՝ 444 միլիարդ 533 միլիոն դրամ, ապա պաշտպանության նախարարությանը՝ 308 միլիարդ 757 միլիոն:
Այլ նախարարությունների հատկացումները՝
Ֆինանսների նախարարությանը՝ 160 միլիարդ 831 միլիոն դրամ
Կրթության եւ գիտության նախարարությանը՝ 139 միլիարդ 286 միլիոն դրամ
Տարածքային կառավարման եւ զարգացման նախարարությանը՝ 97 միլիարդ 897 միլիոն դրամ
Առողջապահության նախարարությանը՝ 89 միլիարդ 590 միլիոն դրամ
Արդարադատության նախարարությանը՝ 15 միլիարդ 497 միլիոն դրամ
Տնտեսական զարգացման եւ ներդրումների նախարարությանը՝ 10 միլիարդ 495 միլիոն դրամ
Արտաքին գործերի նախարարությանը՝ 14 միլիարդ 912 միլիոն դրամ
Բնապահպանության նախարարությանը՝ 6 միլիարդ 722 միլիոն դրամ
Գյուղատնտեսության նախարարությանը՝ 16 միլիարդ 85 միլիոն դրամ
Էներգետիկ ենթակառուցվածքների եւ բնական պաշարների նախարարությանը՝ 47 միլիարդ 947 միլիոն դրամ
Մշակույթի նախարարությանը՝ 15 միլիարդ 533 միլիոն դրամ
Տրանսպորտի, կապի եւ տեղեկատվական տեխնոլոգիաների նախարարությանը՝ 45 միլիարդ 197 միլիոն դրամ
Սպորտի եւ երիտասարդության հարցերի նախարարությանը՝ 4 միլիարդ 112 միլիոն դրամ
Արտակարգ իրավիճակների նախարարությանը՝ 12 միլիարդ 571 միլիոն դրամ
Սփյուռքի նախարարությանը՝ 1 միլիարդ 148 միլիոն դրամ:
Եկող տարվա բյուջեով պետական եկամուտների կոմիտեին կհատկացվի՝ 22 միլիարդ 63 միլիոն դրամ:
Մյուս տարի այլ կոմիտեներին եւ հանձնաժողովներին կհատկացվի՝
Վիճակագրական կոմիտե ՝ 3 միլիարդ 13 միլիոն դրամ
Անշարժ գույքի կադաստրի կոմիտե՝ 3 միլիարդ 991 միլիոն դրամ
Քաղաքաշինության կոմիտե ՝ 964 միլիոն դրամ
Միջուկային անվտանգության կոմիտե՝ 323 միլիոն դրամ
Հաշվեքննիչ պալատ (նախկինում՝ վերահսկիչ պալատ) 1 միլիարդ 40 միլիոն դրամ
Կենտրոնական ընտրական հանձնաժողով՝ 1 միլիարդ 152 միլիոն դրամ
Հանրային ծառայությունները կարգավորող հանձնաժողով՝ մոտ 799 միլիոն դրամ
Տնտեսական մրցակցության պաշտպանության պետական հանձնաժողով՝ 406 միլիոն դրամ
Հեռուստատեսային եւ ռադիոյի ազգային հանձնաժողով՝ 319 միլիոն դրամ
Հանրային հեռուստառադիոընկերության խորհուրդ՝ 7 միլիարդ 427 միլիոն դրամ
Մարդու իրավունքների պաշտպանի գրասենյակ՝ 452 միլիոն դրամ
Արդարադատության նախարարության հարկադիր կատարումն ապահովող ծառայություն՝ 1 միլիարդ 418 միլիոն դրամ
ՀՀ վերահսկողական ծառայություն՝ 672 միլիոն դրամ:
Նելլի ԲԱԲԱՅԱՆ
