Մյուս շաբաթ Ֆրանկոֆոնիայի 17 –րդ գագաթաժողովի կապակցությամբ երկու օր ոչ աշխատանքային հայտարարելու մասին օրենսդրական փոփոխության նախագիծն ընդունելու համար կառավարությունն առաջարկում է վաղն արտահերթ նիստ հրավիրել: Այս մասին կառավարության նիստին ասաց վարչապետ Նիկոլ Փաշինյանը:
Նախագիծն ընդունելու անհրաժեշտությունը պայմանավորված է գագաթաժողովի օրերին մեծ թվով օտարերկրյա հյուրերի եւ պատվիրակությունների Հայաստան այցով: Վարչապետը, հղում անելով ոստիկանությանն, ասաց. «Քանի որ շատ մեծ են ծավալները եւ եզրակացությունն այն է, այդ թվում՝ ոստիկանության, որ շատ ավելի ճիշտ կլինի, որ այդ երկու օրը հայտարարվի ոչ աշխատանքային, մենք այդ ուղղությամբ կգնանք»:
Ոչ աշխատանքային ո՞ր օրերը կլինեն Փաշինյանը չհստակեցրեց, սակայն հիշեցնենք, ֆրանկոֆոնիայի գագաթաժողովը տեղի է ունենալու հոկտեմբերի 11-12-ին:
Մանրամասներն՝ ավելի ուշ:
Նելլի ԲԱԲԱՅԱՆ
