ՄԻԱՎ-ի հակազդման ազգային կոնսորցիումը, որի կազմում են «Իրական աշխարհ, իրական մարդիկ» ՀԿ-ը, «Ներուժ զարթոնքի» ՀԿ-ը և «Հանրային տեղեկատվություն և գիտելիքի կարիք» ՀԿ-ը հոկտեմբերի 2 -ին կազմակերպել էր ՀՀ-ում ՄԻԱՎ/ՁԻԱՀ-ի հիմնահարցերին նվիրված «ՄԻԱՎորենքՋանքերը» ազգային կոնֆերանսը:
«ՄԻԱՎորենք ջանքերը» կոնֆերանսի նպատակն է Հայաստանում ՄԻԱՎ-ով ապրող անձանց և ՄԻԱՎ-ի նկատմամբ առավել վտանգի ենթարկվող բնակչության խնդիրների վերհանումը, դրանց լուծման ուղիների որոնումը:
Կոնֆերանսի ընթացքում ներկայացվել են հետազոտություններ, միջազգային և տեղական փաստաթղթերի ուսումնասիրություններ. մասնավորապես, ՄԻԱՎ/ՁԻԱՀ-ի իրավիճակը Հայաստանի Հանրապետությունում, ՄԻԱՎ/ՁԻԱՀ-ին հակազդման ոլորտում երկրում արձանագրված հաջողություններն ու դրանցում ՁԻԱՀ-ի կենտրոնի դերը, ոլորտում առկա խնդիրներն ու մարտահրավերները, ՄԻԱՎ/ՁԻԱՀ-ով ապրող մարդկանց, ՄԻԱՎ-ի նկատմամբ առավել ռիսկային խմբերի հանդեպ հասարակական կյանքի տարբեր ոլորտներում խտրականության դրսեւորումների ուսումնասիրություն, ՄԻԱՎ-ի իրավակարգավորման արդի խնդիրները ՀՀ-ում, ՄԻԱՎ վարակի վերաբերյալ հետազոտության եւ խորհրդատվության, լաբորատոր ախտորոշման, Հակառետրովիրուսային դեղերի կիրառմամբ ՄԻԱՎ վարակի բուժման եւ կանխարգելման վերաբերյալ ՀՀ 2017թ.ի եւ ԱՀԿ 2015, 2016թթ ուղեցույցերի համեմատական վերլուծություն
Կոնֆերանսին մասնակցել են տարբեր գերատեսչությունների ներկայացուցիչներ։
«Իրական աշխարհ, Իրական մարդիկ» ՀԿ
