Խորհրդարանի այգու տարածքը այսօրվանից մասամբ հասանելի կլինի քաղաքացիների համար: Այսօր առաջին անգամ Ազգային ժողովի դարպասները բացվել են: Հիշեցնենք՝ երեկ Ազգային ժողովի դռները բացելու նախաձեռնության մասին հայտարարել էին «Ելք» խմբակցության պատգամավորները:
Քաղաքացիներից շատերի համար անակնկալ է եղել, երբ տեսել են, որ ԱԺ-ի դարպասները բաց են, մարդիկ մտնում էին, պտտվում, հիանում, նկարվում: Անգամ գյումրեցի բողոքավոր ազատամարտիկն իր բողոքն է տեղափոխել խորհրդարանի շենքի այգի:
Մեզ հետ զրույցներում մի խումբ երիտասարդներ սկսեցին համեմատություն անել Բաղրամյան 26-ի այգու հետ: Իրենց կարծիքով՝ այն ավելի լավն է: Երիտասարդներից մի քանիսն էլ տարակուսած էին, քանի որ Ազգային ժողովի այգին փակ դարպասներից այնկողմ իրենց ավելի գրավիչ է թվացել:
Նելլի ԳՐԻԳՈՐՅԱՆ
