Մարզական աշխարհը միայն օգոստոս ամսին իմացավ, որ NBA-ի աստղ Լեբրոն Ջեյմսը հրապուրված է Շարլ Ազնավուրի երգերով: Դրանից հետո, երբ «Լեյքերսի» աստղը Փարիզում հյուր էր եղել Canal+ հեռուստաալիքին, պարզապես քարացել էր՝ տեղեկանալով, որ մեծագույն արվեստագետը հատուկ իր համար տեսագրություն է ձայնագրել. «Տեղեկացել եմ, որ իմ երգերը քեզ դուր են գալիս: Հաջողություն եմ մաղթում եւ հույս ունեմ, որ շուտով կտեսնվենք: Անձամբ ես այնքան էլ մարզական չեմ, սակայն բասկետբոլն իմ ամենասիրած մարզաձեւերից մեկն է»: Հսկայամարմին Ջեյմսը առաջին անգամ տեսնելով Շարլ Ազնավուրի՝ իրեն հղած ուղերձը՝ զարմանքից «հալվել է» եւ բացականչել «Սա անհավանական է»:
Շարլ Ազնավուրը առանձնապես չէր հետեւում մարզական իրադարձություններին, սակայն իր երգերով միշտ ոգեշնչել է բազմաթիվ մարզիկների: Ձյուդոյիստ Թեդի Ռիները, թենիսիստ Քրիստինա Մլադենովիչը, ֆուտբոլի աշխարհի չեմպիոններ Յուրի Ջորկայեֆը, Բիսկանտ Լիզարազյուն համացանցով ցավակցություն են հայտնել շանսոնյեի արքայի ընտանիքին: Իսկ ֆուտբոլի Ֆրանսիայի երկրորդ լիգայի «Թրուա» եւ «Օսեր» թիմերը Ազնավուրի մահից հետո խաղադաշտ մտել են նրա երգերի հնչյունների ներքո, թեեւ հարցազրույցներից մեկում Ազնավուրը խոստովանել էր, թե ամենից շատ ռեգբի է սիրում:
ԱՇՈՏ ՀԱԿՈԲՅԱՆ
«Առավոտ»
03.10.2018
