ՀՀ նախագահը քիչ առաջ , առաջնորդվելով ՀՀ Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» Հայաստանի Հանրապետության օրենքի 5-րդ հոդվածի 1-ին մասի դրույթներով, հրամանագրեր է ստորագրել որոշ նախարարների պաշտոնից ազատելու մասին:
Հիշեցնենք, որ ժամեր առաջ ՀՀ ԱԺ մուտքի առջեւ ՀՀ վարչապետ Նիկոլ Փաշինյանը հայտարարեց, որ ԲՀԿ-ից եւ ՀՅԴ-ից կառավարությունում ներկայացված նախարարները ազատվում են պաշտոնից, եւ միայն փոխվարչապետ Մհեր Գրիգորյանն է մնում պաշտոնին` իր ցանկությամբ:
Պաշտոնից ազատվել են էներգետիկ ենթակառուցվածքների և բնական պաշարների նախարար Արթուր Գրիգորյանը (ԲՀԿ), գյուղատնտեսության նախարար Արթուր Խաչատրյանը(ՀՅԴ), արտակարգ իրավիճակների նախարար Հրաչյա Ռոստոմյանը (ԲՀԿ), սպորտի և երիտասարդության հարցերի նախարար Լեւոն Վահրադյանը (ԲՀԿ), տնտեսական զարգացման եւ ներդրումների նախարար Արծվիկ Մինասյանը (ՀՅԴ), տրանսպորտի, կապի եւ տեղեկատվական տեխնոլոգիաների նախարար Աշոտ Հակոբյանը (ԲՀԿ):
