Մեծ թվով քաղաքացիներ վարչապետի հետեւից գալով կարողացան մտնել ԱԺ տարածք՝ այգի: Նրանք վանկարկում են ՝ «ՀՀԿ հեռացիր», «ԲՀԿ հեռացիր»: «Ելք» խմբակցության պատգամավորները փորձում են կանխել նրանց մուտքը դեպի շենք: Շենքից նաեւ որոշ ՀՀԿ-ական պատգամավորներ դուրս եկան: ԱԺ շենքի մուտքի մոտ է նաեւ Շիրակ Թորոսյանը:
Առաջին փոխվարչապետ Արարատ Միրզոյանն Ազատություն ռ/կ-ի հետ զրույցում ասաց, որ չի բացառվում առաջիկա օրերին ցույցերը շարունակվեն, նա նաեւ բացառեց որոշ ուժերի կողմից Ռոբերտ Քոչարյանի թեկնածությունը վարչապետ առաջադրելու առումով՝ ընդգծելով նրա անձի հանդեպ եղած ատելության ծավալը: Նա հույս հայտնեց, որ բանակցությունների դռները դեռեւս փակված չեն:
Գոհար ՀԱԿՈԲՅԱՆ
Հ. Գ. Նիկոլ Փաշինյանը բանակցում է ԱԺ նախագահ Արա Բաբլոյանի հետ: ԱԺ-ում են բոլոր խմբակցությունների ներկայացուցիչները:
