Այս պահին խորհրդարանի շենքում մարդաշատ է: Վիճահարույց քվեարկությունից հետո, պատգամավորները չեն կարողանում դուրս գալ խորհրդարանի շենքից:
Այստեղ են ՀՀԿ-ի, ԲՀԿ-ի եւ ՀՅԴ-ի պատգամավորները: Շենքը ներսից շրջափակել են անվտանգության աշխատակիցները եւ թույլ չեն տալիս, որ ներսից մարդիկ դուրս գան: Հավանաբար, մտավախություններ կան, որ շենքը դրսից շրջափակած մարդիկ կարող են գրոհել:
Խորհրդարանի շենքում պատգամավորների հետ պատանդ են մնացել ոչ միայն լրագրողներն, այլ նաեւ այն աշխատակիցները, ովքեր չէին հասցրել նախապես դուրս գալ շենքից:
Խոսակցություններ կան, որ այսօր, մինչեւ օրվա վերջ կամ վաղն առավոտյան ԲՀԿ-ի եւ ՀՅԴ-ի նախարարները կդնեն պորտֆելները: Պաշտոններից կհրաժարվեն նաեւ մարզպետները:
Նելլի ԳՐԻԳՈՐՅԱՆ
