Այսօր ԱԺ հայտարարությունների ժամին «Ելք» խմբակցության պատգամավոր Հովիկ Աղազարյանը իր, Լենա Նազարյանի, Սասուն Միքայելյանի, Ալեն Սիմոնյանի եւ Հրաչյա Հակոբյանի անունից հայտարարեց, որ հանդես են գալիս նախաձեռնությամբ՝ ԱԺ որոշման նախագիծ ընդունել, ըստ որի մեր քաղաքացիները ամեն օր ժամը 9-ից մինչեւ 23-ը կարողանան ազատ ու անարգել մուտք գործել ԱԺ-ի հարակից այգի:
Աղազարյանը դիմեց բոլոր պատգամավորներին, որ եթե ցանկություն ունեն, միանան նախաձեռնությանը:
Նա նաեւ հիշեցրեց, որ 90-ականներին նման նախաձեռնություն եղել է, ուզել են ԱԺ վարչական շենքի հարակից այգին տրամադրել քաղաքացիներին՝ որպես զբոսավայր, բայց չի ընդունվել:
Շարմազանովն արձագանքեց՝ 91-ին ՀՀԿ-ն չի եղել իշխանության, գոնե դրանում մեզ չմեղադրեք:
Հռիփսիմե ՋԵԲԵՋՅԱՆ
